Mu ar deidhinn

Chaidh am foillsichear Gàidhlig CLÀR a chur air chois ann an 1996. B’ e ar prìomh amas leabhraichean ùra fhoillseachadh le cuideam air sgrìobhadh ann an Gàidhlig a-mhàin.

Tha CLÀR a-nis air còrr is 80 leabhar fhoillseachadh. Tha sinn air sgrìobhadh bho chòrr is 100 ùghdar Gàidhlig fhoillseachadh agus gu dearbh, bidh seo a’ fàs agus a’ fàs.

’S e buidheann saor-thoileach a th’ ann an CLÀR agus the sinn a’ feuchainn ri sgrìobhadh de gach seòrsa fhoillseachadh. Dh’fhoillsich sinn leabhraichean de dhíomadh gnè: ficsean, rosg eile, bàrdachd, an iris STEALL, dràma, fiosrachadh, beul-aithris, spòrs agus corra leabhar-chloinne. An co-bhonn ri Comhairle nan Leabhraichean, dh’fhoillsich sinn còrr is 30 leabhar mar phàirt de shreath Ùr-Sgeul.

Poileasaidh Foillseachaidh CLÀR

‘S e ar prìomh amas a bhith a’ foillseachadh leabhraichean ùra, le cuideam air sgrìobhadh ann an Gàidhlig a-mhàin. Cha bhi CLÀR a’ gabhail ri leabhraichean dà-chànanach neo eadar-theangachaidhean stèidhichte air leabhraichean Beurla.

’S e foillsichear saor-thoileach a th’ ann an CLÀR agus bidh sinn a’ foillseachadh suas gu ceithir leabhraichean do dh’inbhich sa bhliadhna, a bharrachd air an iris STEALL.

Tha ar prògram foillseachaidh air a chur air dòigh ro-làimh agus, aig an ìre seo, tha e làn suas gu deireadh 2027. Bidh sinn a’ beachdachadh air foillsichidhean airson 2028 (agus bliadhnachan às dèidh sin) fhathast. Bidh sinn ‘fosgailte do thagraidhean’ airson na h-ama sin bho 10mh Dùbhlachd 2026 gu 30mh Faoilleach 2027.

Leabhraichean ùra

Don bhùth
gd
en_GB gd